Sadio Mane qanday shartda "Liverpul"ni tark etishi mumkinligi ma’lum bo‘ldi, deya xabar beradi jurnalist Karl Markem.

Manbaning xabariga ko‘ra, futbolchi ingliz klubini faqat potensial xaridor kamida 30 million yevro taklif qilsagina tark etishi mumkin bo‘ladi. Qolaversa, "mersisaydliklar" o‘z yulduzini almashtira oladigan futbolchi topa olishiga ishonch hosil qilishlari kerak.

Avvalroq ko‘plab nashrlar hujumchini "Bavariya"ga o‘tishi bilan bog‘lashdi.

Mane «Liverpul»ga 2016 yilda «Sautgempton»dan 41,2 million yevro evaziga o‘tgan edi. Uning shartnomasi 2023 yilda yakuniga yetadi.

Joriy mavsumda 30 yoshli senegallik “qizillar” safida barcha turnirlar doirasida 51 ta o‘yinda maydonga tushib, 23 ta gol urdi va 5 ta golli uzatmani amalga oshirdi. Transfermarkt vingerni 80 million yevroga baholamoqda.