"Barselona" yozda hujumchi Martin Breytueytni ijaraga berishni rejalashtirmoqda.
Mundo Deportivo xabariga ko‘ra, 30 yoshli futbolchiga "Valensiya", "Selta" va "Brayton" qiziqish bildirmoqda, biroq uning maoshi bu da’vogarlarning har biri uchun muammo bo‘lishi mumkin.
Xabar qilinishicha, hujumchi "Barsa"ni tark etishni istamayapti.
2021/22 yilgi mavsumda daniyalik forvard Kataloniya klubi safida La Ligada 4 ta o‘yin o‘tkazib, 2 ta gol urdi va 1 ta golli uzatmani amalga oshirdi. Uning "Barselona" bilan shartnomasi 2024 yilning yoziga qadar mo‘ljallangan.
