Hujumchi Garet Beyl Madridning “Real” klubini tark etishini ma’lum qildi. 32 yoshli uelslik futbolchi Madrid klubida 2013 yildan buyon harakat qilib kelayotgan edi.
"Buni barcha jamoadoshlarimga, shuningdek, meni qo‘llab-quvvatlagan murabbiylar, "Real Madrid" xodimlari va muxlislarga minnatdorchilik bildirish uchun yozyapman", - deb yozadi Beyl ijtimoiy tarmoqlarda.
- Men “Real Madrid”ga to‘qqiz yil avval o‘z orzusini ro‘yobga chiqarishni va shu klubda o‘ynashni istagan juda yosh futbolchi sifatida kelganman. Ko‘ksimda "Real Madrid" emblemasi bo‘lgan jamoa libosida o‘ynashni, "Santyago Bernabeu"da harakat qilib, kuboklarni qo‘lga kiritishni va buyuk klubning bir qismi bo‘lishni xohlardim.
Hozir men orqaga qarayman va chin dildan aytishim mumkinki, orzu haqiqatan ham amalga oshdi. "Real Madrid"ning bir qismi bo‘lish - ajoyib tajriba va men buni hech qachon unutmayman. Bu men uchun sharaf edi. Rahmat!".