"PSJ" yarim himoyachisi Jorjinyo Veynaldum yozgi transfer oynasida fransuz klubini tark etishi mumkin. Bu haqda GOAL nashri xabar bermoqda.

Manbaga ko‘ra, 31 yoshli futbolchi Niderlandiya terma jamoasiga chaqirilmaganidan xavotirda.

Veynaldum buni Parij klubi lagerida omadsiz mavsum o‘tkazgani bilan bog‘laydi.

Yarim himoyachi Qatarda bo‘lib o‘tadigan jahon chempionatini o‘tkazib yuborishi mumkinligidan qo‘rqmoqda va shu sababli boshqa klubga o‘tish haqida o‘ylamoqda.

Qayd etilishicha, Veynaldum "PSJ"ning keyingi murabbiyi kim bo‘lishini bilmoqchi, keyin esa kelajagi haqida qaror qabul qilmoqchi.

Yakunlangan mavsumda Jorjinyo parijliklar safida Fransiya 1-ligasida 31 ta o‘yinda maydonga tushib, bitta gol urdi va 3 ta golli uzatmani amalga oshirdi.