"ПСЖ" ярим ҳимоячиси Жоржиньо Вейналдум ёзги трансфер ойнасида француз клубини тарк этиши мумкин. Бу ҳақда GOAL нашри хабар бермоқда.

Манбага кўра, 31 ёшли футболчи Нидерландия терма жамоасига чақирилмаганидан хавотирда.

Вейналдум буни Париж клуби лагерида омадсиз мавсум ўтказгани билан боғлайди.

Ярим ҳимоячи Қатарда бўлиб ўтадиган жаҳон чемпионатини ўтказиб юбориши мумкинлигидан қўрқмоқда ва шу сабабли бошқа клубга ўтиш ҳақида ўйламоқда.

Қайд этилишича, Вейналдум "ПСЖ"нинг кейинги мураббийи ким бўлишини билмоқчи, кейин эса келажаги ҳақида қарор қабул қилмоқчи.

Якунланган мавсумда Жоржиньо парижликлар сафида Франция 1-лигасида 31 та ўйинда майдонга тушиб, битта гол урди ва 3 та голли узатмани амалга оширди.