O‘zbekiston U23 terma jamoasi hujumchisi Hojimat Erkinov Turkmanistonga qarshi o‘yindan so‘ng (1:0) o‘z fikrlari bilan o‘rtoqlashdi.
"Stadionga kelgan va bizni hurmat qilib, qo‘llab-quvvatlagan barcha muxlislarga minnatdorchilik bildiraman. Birinchi o‘yin bo‘lgani uchun juda qiyin bo‘ldi. Har doyim katta musobaqalarda shunday bo‘ladi. Shuningdek, raqib jamoamiz himoyaviy o‘yin ko‘rsatgani ham bizga muammolar keltirdi. Birinchi bo‘limda ham ikkinchi bo‘limda ham juda ko‘p imkoniyatlarimiz bo‘ldi ammo ulardan foydalana olmadik. Keyingi o‘yinlar osonroq bo‘ladi degan umiddaman", - dedi Erkinov.
Eslatib o‘tamiz, terma jamoamizga g‘alaba keltirgan yagona gol muallifi Ulug‘bek Hoshimov bo‘ldi. U 75-daqiqada penaltidan unumli foydalandi.
