Ўзбекистон U23 терма жамоаси ҳужумчиси Ҳожимат Эркинов Туркманистонга қарши ўйиндан сўнг (1:0) ўз фикрлари билан ўртоқлашди.
"Стадионга келган ва бизни ҳурмат қилиб, қўллаб-қувватлаган барча мухлисларга миннатдорчилик билдираман. Биринчи ўйин бўлгани учун жуда қийин бўлди. Ҳар дойим катта мусобақаларда шундай бўлади. Шунингдек, рақиб жамоамиз ҳимоявий ўйин кўрсатгани ҳам бизга муаммолар келтирди. Биринчи бўлимда ҳам иккинчи бўлимда ҳам жуда кўп имкониятларимиз бўлди аммо улардан фойдалана олмадик. Кейинги ўйинлар осонроқ бўлади деган умиддаман", - деди Эркинов.
Эслатиб ўтамиз, терма жамоамизга ғалаба келтирган ягона гол муаллифи Улуғбек Ҳошимов бўлди. У 75-дақиқада пенальтидан унумли фойдаланди.
