Madridning “Real” klubi hujumchisi Vinisius Junior Transfermarkt talqini bo‘yicha Ispaniya La Ligasining eng qimmat futbolchisiga aylandi.
Bu haqda statistik platformaning rasmiy sayti xabar berdi.

Platformaning yangilangan ro‘yxatida yosh braziliyalikning transfer qiymati 100 million yevroga yetdi va bu unga ushbu reytingda yetakchilik qilishga imkon berdi.

Ikkinchi o‘rinda “Barselona” yarim himoyachisi Pedri - uning transfer narxi 80 million yevro.

Kuchli uchlikni “Real” yarim himoyachisi Federiko Valverde va “Atletiko” hujumchisi Joau Feliks yakunlab turibdi. Har ikki futbolchining narxi 80 million yevroga baholangan.

Eslatib o‘tamiz, mavsum yakunida Madridning “Real” klubi Ispaniya chempionligini qo‘lga kiritdi, shuningdek, UYEFA Chempionlar Ligasi g‘olibiga aylandi.