Мадриднинг “Реал” клуби ҳужумчиси Винисиус Жуниор Transfermarkt талқини бўйича Испания Ла Лигасининг энг қиммат футболчисига айланди.
Бу ҳақда статистик платформанинг расмий сайти хабар берди.
Платформанинг янгиланган рўйхатида ёш бразилияликнинг трансфер қиймати 100 миллион еврога етди ва бу унга ушбу рейтингда етакчилик қилишга имкон берди.
Иккинчи ўринда “Барселона” ярим ҳимоячиси Педри - унинг трансфер нархи 80 миллион евро.
Кучли учликни “Реал” ярим ҳимоячиси Федерико Вальверде ва “Атлетико” ҳужумчиси Жоау Феликс якунлаб турибди. Ҳар икки футболчининг нархи 80 миллион еврога баҳоланган.
Эслатиб ўтамиз, мавсум якунида Мадриднинг “Реал” клуби Испания чемпионлигини қўлга киритди, шунингдек, УЕФА Чемпионлар Лигаси ғолибига айланди.
