"Paxtakor" futzal klubi a’zosi Feruz Faxriddinov "Jizzax Kenteks"ga qarshi bo‘ladigan O‘zbekiston kubogi finali oldidan o‘z fikrlarini bildirib o‘tdi.

"Mavsum davomida bizni qo‘llab-quvvatlagan muxlislarimizga minnatdorchilik bildiraman. Kubok bahslariga kelsak, chorak va yarim final bosqichida biz kuchli raqiblar bilan to‘qnash keldik. «Lokomotiv» jamoasi bilan kuchlar teng keldi, final ishtiyoqi «Paxtakor»da ko‘proq bo‘lgani sabab biz g‘alaba qozondik.

Maqsadimiz — kubok sohibi bo‘lish. Mamlakat chempioniga qarshi kurash oson kechmaydi.

Bu yilgi chempionat juda ham qiziq o‘tdi. Bronza medalini qo‘lga kiritganimiz kubok bahslarida g‘alaba ruhini oshirishga yordam berdi.

Finalda g‘alabani ko‘proq istagan jamoa unga erisha oladi. Xato qilmaslikka harakat qilamiz. Bizni jozibador va tomoshabop final o‘yini kutmoqda. Barcha muxlislarni «Yunusobod» arenasiga chorlab qolaman, — dedi Feruz Faxriddinov.