Hujumchi Mariano Dias yozgi transfer oynasida “Real”ni tark etishi mumkin, deb xabar beradi Marca.
Ispan klubi asosiy tarkibda mustahkam o‘ringa ega bo‘lmagan 28 yoshli dominikanlikni qo‘yib yuborishga tayyor.
Avvalroq Diasga "Lion" va "Fenerbaxche" klublari qiziqish bildirayotgani haqida ma’lumotlar paydo bo‘lgandi.
Hujumchining “Real” bilan amaldagi shartnomasi 2023 yilning iyunida yakuniga yetadi. Transfermarkt uni 6 million yevroga baholagan.
Yakunlangan mavsumda Dias "qaymoqranglilar" safida 11 ta o‘yin o‘tkazib, bitta gol urdi va bitta golli uzatmani amalga oshirdi.