Ҳужумчи Мариано Диас ёзги трансфер ойнасида “Реал”ни тарк этиши мумкин, деб хабар беради Marca.
Испан клуби асосий таркибда мустаҳкам ўринга эга бўлмаган 28 ёшли доминиканликни қўйиб юборишга тайёр.
Аввалроқ Диасга "Лион" ва "Фенербахче" клублари қизиқиш билдираётгани ҳақида маълумотлар пайдо бўлганди.
Ҳужумчининг “Реал” билан амалдаги шартномаси 2023 йилнинг июнида якунига етади. Transfermarkt уни 6 миллион еврога баҳолаган.
Якунланган мавсумда Диас "қаймоқранглилар" сафида 11 та ўйин ўтказиб, битта гол урди ва битта голли узатмани амалга оширди.
