"Барселона" чоршанба куни анъанавий Жоан Гампер кубоги доирасида Мисрнинг "Ал Аҳли" жамоаси билан ўйнайди. Ўйиндан сал олдин "Камп Ноу"да янги мавсумнинг очилиш маросими бўлиб ўтмоқда. Каталонияликлар учта янги футболчини таништиришди, сардорларини таништиришди ва Ханс-Дитер Флик нутқ сўзлади.
The Touchline нашрининг хабар беришича, "Барселона"нинг баъзи мухлислари "Камп Ноу"да ярим ҳимоячи Френки де Йонгга нисбатан ҳуштакбозлик қилишган. Де Йонг ҳам сардорлар гуруҳида кўрсатилмаган. Флик аввалроқ нидерландиялик футболчи ҳақидаги қарори унинг жароҳати билан боғлиқлигини айтган эди.
"Барселона" мавсумдаги биринчи расмий ўйинини 23 август куни "Эльче"га қарши ўтказади.
