"Valensiya" yarim himoyachisi Karlos Soler "Liverpul"ning qiziqish doirasida bo‘lib turibdi. Liverpool Echo xabariga ko‘ra, Yurgen Klopp jamoasi hujum qanotlarini ispaniyalik futbolchi yordamida kuchaytirmoqchi.

Qayd etilishicha, Solerning o‘zi ham “Valensiya”ni tark etib, ushbu mavsum oralig‘ida o‘sishda davom etmoqchi. Futbolchida faoliyatini davom ettirish uchun ko‘plab variantlar bor: unga "Barselona", "Yuventus", "Atletiko Madrid" va boshqa bir qator Yevropaning top-klublari qiziqish bildirmoqda.

Soler o‘tgan mavsum La Ligada "Valensiya" safida 11 ta gol urdi va 5 ta golli uzatmani amalga oshirdi.