"Barselona" yarim himoyachi Gavi bilan yangi shartnoma imzolashga yaqin turibdi. Tomonlar muzokaralarning yangi bosqichini o‘tkazdi va bu ularga bitim tuzishga yaqinlashish imkonini berdi, deb xabar beradi AS.
Avvalroq Kataloniya klubi 17 yoshli ispaniyalik futbolchiga 2027 yilgacha mo‘ljallangan shartnoma taklif qilayotgani xabar qilingandi.
Gavi 2021 yildan beri "Barselona"ning asosiy jamoasida o‘ynamoqda. Yarim himoyachi joriy mavsumda 33 ta o‘yinda maydonga tushib, 2 ta gol urdi va 5 ta golli uzatmani amalga oshirdi. Gavining klub bilan amaldagi shartnomasi 2023 yilning yozida yakuniga yetadi.