"Барселона" ярим ҳимоячи Гави билан янги шартнома имзолашга яқин турибди. Томонлар музокараларнинг янги босқичини ўтказди ва бу уларга битим тузишга яқинлашиш имконини берди, деб хабар беради AS.
Аввалроқ Каталония клуби 17 ёшли испаниялик футболчига 2027 йилгача мўлжалланган шартнома таклиф қилаётгани хабар қилинганди.
Гави 2021 йилдан бери "Барселона"нинг асосий жамоасида ўйнамоқда. Ярим ҳимоячи жорий мавсумда 33 та ўйинда майдонга тушиб, 2 та гол урди ва 5 та голли узатмани амалга оширди. Гавининг клуб билан амалдаги шартномаси 2023 йилнинг ёзида якунига етади.
