Insayder Kristian Falkning xabariga ko‘ra, "Chelsi" yozgi transfer oynasida jamoani tark etgan Antonio Ryudiger va Andreas Kristensen o‘rniga bir qator himoyachilarning variantlarini ko‘rib chiqmoqda.

Manbaning xabariga ko‘ra, ingliz klubida uchta tanlov imkoniyati bor. Bular Presnel Kimpembe ("PSJ"), Matteys de Ligt ("Yuventus") va Jyul Kunde ("Sevilya").

26 yoshli Kimpembe o‘tgan mavsumda 41 ta o‘yinda maydonga tushib, 2 ta gol urdi va bitta golli uzatmani amalga oshirdi. 22 yoshli de Ligt 42 uchrashuvda 3 ta gol va 1 ta golli uzatmaga mualliflik qilgan. 23 yoshli Kunde 44 ta o‘yin o‘tkazib, 3 ta gol urdi va bitta golli uzatmani amalga oshirdi.