Инсайдер Кристиан Фалькнинг хабарига кўра, "Челси" ёзги трансфер ойнасида жамоани тарк этган Антонио Рюдигер ва Андреас Кристенсен ўрнига бир қатор ҳимоячиларнинг вариантларини кўриб чиқмоқда.

Манбанинг хабарига кўра, инглиз клубида учта танлов имконияти бор. Булар Преснел Кимпембе ("ПСЖ"), Маттейс де Лигт ("Ювентус") ва Жюл Кунде ("Севилья").

26 ёшли Кимпембе ўтган мавсумда 41 та ўйинда майдонга тушиб, 2 та гол урди ва битта голли узатмани амалга оширди. 22 ёшли де Лигт 42 учрашувда 3 та гол ва 1 та голли узатмага муаллифлик қилган. 23 ёшли Кунде 44 та ўйин ўтказиб, 3 та гол урди ва битта голли узатмани амалга оширди.