"Real Madrid" kelasi mavsumda Karim Benzemaga zaxira variant sifatida kimlarni tanlagani ma’lum bo‘ldi. Bu haqda AS nashri xabar berdi.
Qayd etilishicha, "qirollik klubi" yozda "Xetafe" safida ijarada o‘ynagan Borxa Mayoralni qaytaradi. Shuningdek "Kastilya"dan Xuan Latas ham asosiy jamoaga o‘tadi.
Shu bilan birga, klub rahbariyati hujumchilar Mariano Dias va Luka Yovichdan hafsalasi pir bo‘ldi.
25 yoshli Mayoral o‘tgan mavsumda barcha musobaqalarda 29 ta o‘yinda maydonga tushib, 7 ta gol urdi va ikkita golga assistentlik qildi. 21 yoshli Latas hisobida 30 ta bahsda 13 ta gol bor.