"Real"ning sobiq himoyachisi Marselo faoliyatini "Milan"da davom ettirishi mumkin, deb yozadi jurnalist Ekrem Konur tvitterda.
Ushbu yozda 34 yoshli braziliyalik erkin agent sifatida Madrid klubini tark etdi.
Marselo 2007 yildan beri "Real"da o‘ynab kelmoqda. Klub tarkibida u olti marta Ispaniya chempioni bo‘ldi, besh marta Ispaniya Superkubogi va Chempionlar ligasida g‘olib chiqdi, uch marta UYEFA Superkubogi va ikki marta Ispaniya kubogini qo‘lga kiritdi, shuningdek, to‘rt marta klublar o‘rtasidagi jahon chempionatida g‘olib chiqdi.