Hujumchi Anxel Di Mariya "Yuventus" bilan shartnoma imzolaydi, deya xabar beradi jurnalist Fabrisio Romano.
Manbaga ko‘ra, 34 yoshli argentinalik shu haftada Turin klubiga javob beradi. Futbolchi bilan bir yillik shartnoma imzolanadi.
Di Mariya 2015 yilning yozidan buyon "PSJ"da o‘ynab kelayotgan edi. Argentinalik futbolchi shu yozda klub tarixidagi eng yaxshi assistent sifatida jamoani tark etdi.
Anxel o‘tgan mavsumda "PSJ" safida 31 ta o‘yinda maydonga tushib, 5 ta gol urdi va 9 ta golga assistentlik qildi.