«PSJ» bosh murabbiyi Luis Enrike «Arsenal» ustozi Mikel Artetaning fikrlariga izoh berdi. Avvalroq Arteta «kanonirlar»ning APLdagi g‘alabasiga bag‘ishlangan tadbirda o‘z jamoasi parijliklarni mag‘lub etib, Yevropa chempioni bo‘lishini ta’kidlagan edi.
«Chempionlar ligasi finalida o‘ynashdan ko‘ra kattaroq motivasiya yo‘q. Ertaga kim eng zo‘r ekanini ko‘ramiz. Jamoamiz ijobiy jihatlarga e’tibor qaratishi va ertangi bahsda o‘zining eng yaxshi o‘yinini ko‘rsatishi kerak», — dedi Enrike.
Eslatib o‘tamiz, «PSJ» va «Arsenal» o‘rtasidagi Chempionlar ligasi finali 30 may, shanba kuni bo‘lib o‘tadi.
