«Real Madrid» klubida hokimiyat uchun kurash davom etmoqda. Agar prezidentlik saylovlarida Enrike Rikelme g‘alaba qozonsa, «qaymoqranglilar» bosh murabbiyligiga kutilmagan nomzod tayinlanishi mumkin. Gap «Arsenal»ning amaldagi ustozi Mikel Arteta haqida ketmoqda.

Jurnalist Migel Serranoning ijtimoiy tarmoqlarda ta’kidlashicha, Rikelme allaqachon Arteta bilan bog‘langan. Funksioner Mikeldan «Real»da ishlash bo‘yicha og‘zaki rozilik olganligi aytilmoqda. Aynan Arteta Rikelme tomonidan ishlab chiqilgan yangi loyiha doirasida «Real» murabbiyligiga asosiy nomzod sifatida ko‘rilmoqda.

Amaldagi prezident Florentino Peres esa Joze Mourinyo nomzodini qo‘llab-quvvatlashda davom etmoqda. Agar saylovlarda Peres g‘olib chiqsa, jamoani portugaliyalik mutaxassis boshqaradi.