«Реал Мадрид» клубида ҳокимият учун кураш давом этмоқда. Агар президентлик сайловларида Энрике Рикельме ғалаба қозонса, «қаймоқранглилар» бош мураббийлигига кутилмаган номзод тайинланиши мумкин. Гап «Арсенал»нинг амалдаги устози Микель Артета ҳақида кетмоқда.
Журналист Мигель Серранонинг ижтимоий тармоқларда таъкидлашича, Рикельме аллақачон Артета билан боғланган. Функционер Микелдан «Реал»да ишлаш бўйича оғзаки розилик олганлиги айтилмоқда. Айнан Артета Рикельме томонидан ишлаб чиқилган янги лойиҳа доирасида «Реал» мураббийлигига асосий номзод сифатида кўрилмоқда.
Амалдаги президент Флорентино Перес эса Жозе Моуриньо номзодини қўллаб-қувватлашда давом этмоқда. Агар сайловларда Перес ғолиб чиқса, жамоани португалиялик мутахассис бошқаради.
