Лондоннинг «Арсенал» клуби Виктор Дьёкерешни бошқа бир ҳужумчига алмаштириш имкониятини кўриб чиқмоқда. Гап Саудиянинг «Ал-Аҳли» клубида тўп сураётган Айвен Тони ҳақида бормоқда. indykaila News маълумотларига кўра, «канонирлар» мутасаддилари шведни англиялик футболчига алмаштириш бўйича эҳтимолий битимни муҳокама қилиб бўлишган.
Айвен Тони «Ал-Аҳли» сафида 99 та ўйинда 78 та гол урган ва 17 та голли узатмани амалга оширган. Transfermarkt экспертлари 30 ёшли футболчининг бозор қийматини 20 млн еврога баҳолашмоқда, унинг амалдаги шартномаси эса 2028 йилнинг ўрталаригача мўлжалланган. Ушбу порталда 28 ёшли Дьёкерешнинг нархи 65 млн еврони ташкил этади.
