Мадриднинг «Реал» клуби қишки трансфер ойнаси бўйича ўз режасини белгилаб олди. Жамоа фақат икки ҳолатда янги футболчи сотиб олиш учун бозорга чиқиши мумкин. Бу ҳақда инсайдер Мигель Серрано хабар берди.
Биринчи ҳолат — асосий таркиб футболчиларидан бирининг жиддий жароҳат олиши. Агар ўйинчилардан кимдир узоқ муддатга сафдан чиқса, «Реал» унинг ўрнига муносиб футболчи излайди.
Иккинчи ҳолат эса жамоанинг ҳозирги асосий таркиб футболчиларидан бири клубни тарк этиш истагини билдириши билан боғлиқ.
Шу тариқа, ушбу икки ҳолатдан бири юз бермаса, «Реал» қишки трансфер ойнасида катта фаоллик кўрсатиши кутилмаяпти.
