Madridning «Real» klubi qishki transfer oynasi bo‘yicha o‘z rejasini belgilab oldi. Jamoa faqat ikki holatda yangi futbolchi sotib olish uchun bozorga chiqishi mumkin. Bu haqda insayder Migel Serrano xabar berdi.
Birinchi holat — asosiy tarkib futbolchilaridan birining jiddiy jarohat olishi. Agar o‘yinchilardan kimdir uzoq muddatga safdan chiqsa, «Real» uning o‘rniga munosib futbolchi izlaydi.
Ikkinchi holat esa jamoaning hozirgi asosiy tarkib futbolchilaridan biri klubni tark etish istagini bildirishi bilan bog‘liq.
Shu tariqa, ushbu ikki holatdan biri yuz bermasa, «Real» qishki transfer oynasida katta faollik ko‘rsatishi kutilmayapti.
