"Барселона" вингери Ламин Ямал Ла Лиганинг 4-турида "Валенсия"га қарши ўйинда дубль қайд этди ва голларини 4 ёшга тўлган укаси Кейнага бағишлади.

19 ёшли футболчи "Месталья"даги учрашувнинг 6-дақиқасида ҳисобни очди. Голдан сўнг у бармоғини оғзига солиб нишонлади. Хабарларга кўра, бу ишора айнан шу куни 4 ёшга тўлган укаси Кейнага бағишланган. Укаси ва Ямалнинг онаси ҳам стадионда учрашувни кузатиб борган.

Ямал шу билан чекланиб қолмади. У 84-дақиқада Дани Ольмонинг узатмасидан кейин яна бир бор дарвозани ишғол қилиб, якуний ҳисобни ўрнатди — 5:0. "Барселона"нинг қолган голларини Фермин Лопес, Рафинья ва Педри киритди.

"Барселона" чемпионатдаги ғалабали сериясини давом эттириб, дастлабки 4 ўйиннинг барчасида ғалаба қозонди. Каталонияликлар шу учрашувлар давомида 17 та гол урди ва 12 очко билан турнир жадвалида пешқадам бўлиб турибди.

Энди Ҳанси Флик шогирдларини Чемпионлар лигасидаги синов кутмоқда. "Барселона" 9 сентябрь куни лига босқичининг 1-турида ўз майдонида "Фейеноорд"ни қабул қилади.