"Barselona" vingeri Lamin Yamal La Liganing 4-turida "Valensiya"ga qarshi o‘yinda dubl qayd etdi va gollarini 4 yoshga to‘lgan ukasi Keynaga bag‘ishladi.

19 yoshli futbolchi "Mestalya"dagi uchrashuvning 6-daqiqasida hisobni ochdi. Goldan so‘ng u barmog‘ini og‘ziga solib nishonladi. Xabarlarga ko‘ra, bu ishora aynan shu kuni 4 yoshga to‘lgan ukasi Keynaga bag‘ishlangan. Ukasi va Yamalning onasi ham stadionda uchrashuvni kuzatib borgan.

Yamal shu bilan cheklanib qolmadi. U 84-daqiqada Dani Olmoning uzatmasidan keyin yana bir bor darvozani ishg‘ol qilib, yakuniy hisobni o‘rnatdi — 5:0. "Barselona"ning qolgan gollarini Fermin Lopes, Rafinya va Pedri kiritdi.

"Barselona" chempionatdagi g‘alabali seriyasini davom ettirib, dastlabki 4 o‘yinning barchasida g‘alaba qozondi. Kataloniyaliklar shu uchrashuvlar davomida 17 ta gol urdi va 12 ochko bilan turnir jadvalida peshqadam bo‘lib turibdi.

Endi Hansi Flik shogirdlarini Chempionlar ligasidagi sinov kutmoqda. "Barselona" 9 sentyabr kuni liga bosqichining 1-turida o‘z maydonida "Feyenoord"ni qabul qiladi.