«Манчестер Юнайтед» «Лестер» ярим ҳимоячиси Луис Пейжни сотиб олиш бўйича музокараларни давом эттирмоқда.
«Қизил иблислар» 18 ёшли англиялик футболчини ёзги трансфер ойнасининг сўнгги куниёқ қўлга киритишга умид қилган эди. Пейж клубнинг ёзда ярим ҳимоя чизиғи учун амалга оширган тўртинчи трансферига айланиши мумкин эди.
Бироқ икки клуб дедлайнга қадар келишувга эриша олмади. Шунга қарамай, Manchester Evening News маълумотига кўра, томонлар ўртасидаги мулоқот тўхтамаган.
Пейжнинг трансфер қиймати «Лестер» ёзда Жереми Монгани «Манчестер Сити»га сотиб олганида ишлаб олган 12,5 миллион фунтдан ҳам юқори бўлиши мумкин.
Луис Пейж 2025 йил август ойида «Лестер» асосий жамоасида дебют қилган. У ўтган мавсум Чемпионшипда 18 та учрашувда майдонга тушган.
