Uzoq vaqt davomida Turinning "Yuventus" klubida to‘p surgan italiyalik afsonaviy darvozabon Janluiji Buffon argentinalik vinger Anxel di Mariyaning "keksa sinyora"ga o‘tishi mumkinligi haqida o‘z fikrlari bilan o‘rtoqlashdi.

"Anxel Italiya chempionatida Diyego Maradona kabi bo‘ladi. Hozirda A Seriya texnologiya jihatidan unchalik yaxshi emas, di Mariya esa bu yo‘nalishda juda aqlli. U darvoza oldida ishonchli o‘ynaydi va driblingda himoyachilarni osongina yengib o‘tadi. Anxel qanday yordam berishni biladi va hujumda har qanday pozisiyada harakat qila oladi.

Yoshga kelsak, bu muhim emas. Motivasiya muhimroq rol o‘ynaydi. Agar Anxel "Yuventus"ga o‘tishga qaror qilsa, u hamma narsaga tayyor", - dedi Buffon Gazzetta dello Sport bilan suhbatda.

Di Mariya tekinga turinliklar safiga o‘tishi mumkin, chunki uning "PSJ" bilan shartnomasi iyun oyi oxirida tugaydi.