Узоқ вақт давомида Туриннинг "Ювентус" клубида тўп сурган италиялик афсонавий дарвозабон Жанлуижи Буффон аргентиналик вингер Анхел ди Мариянинг "кекса синьора"га ўтиши мумкинлиги ҳақида ўз фикрлари билан ўртоқлашди.

"Анхел Италия чемпионатида Диего Марадона каби бўлади. Ҳозирда А Серия технология жиҳатидан унчалик яхши эмас, ди Мария эса бу йўналишда жуда ақлли. У дарвоза олдида ишончли ўйнайди ва дриблингда ҳимоячиларни осонгина енгиб ўтади. Анхел қандай ёрдам беришни билади ва ҳужумда ҳар қандай позицияда ҳаракат қила олади.

Ёшга келсак, бу муҳим эмас. Мотивация муҳимроқ роль ўйнайди. Агар Анхел "Ювентус"га ўтишга қарор қилса, у ҳамма нарсага тайёр", - деди Буффон Gazzetta dello Sport билан суҳбатда.

Ди Мария текинга туринликлар сафига ўтиши мумкин, чунки унинг "ПСЖ" билан шартномаси июнь ойи охирида тугайди.