Kuni kecha "Real" safiga kelib qo‘shilgan germaniyalik himoyachi Antonio Ryudiger "Qirollik klubi" haqidagi fikrlari bilan o‘rtoqlashdi.
"Men Toni Kroos bilan "Real" haqida kamdan-kam gaplashardim, bu haqda Kovachich bilan ko‘proq gaplashardim. Mateo menga ko‘p narsani aytdi, chunki u Luka Modrich bilan yaxshi do‘st. U shunday dedi: “Real"ga boring va zavqlaning. Sizga u yerda hamma narsa yoqadi". Aytishim mumkinki, men bu klub haqida hech qachon yomon gap eshitmaganman", - dedi Ryudiger Madrid klubi matbuot xizmatiga.
29 yoshli Ryudiger "Chelsi"dan "Real"ga tekinga o‘tdi. U "qaymoqranglilar" bilan to‘rt yillik shartnoma imzoladi.