Madridning “Real” klubi hujumchisi Borxa Mayoral o‘z tarixida ilk bor A Seriyasiga chiqqan va tarkibni kuchaytirish yo‘llarini qidirayotgan Italiyaning “Monsa” jamoasiga qo‘shilishi mumkin. Taniqli italiyalik muxbir Janluka di Marsioning so‘zlariga ko‘ra, muzokaralar allaqachon boshlangan.

25 yoshli Mayoralning huquqlari "Real"ga tegishli bo‘lsa-da, u so‘nggi mavsumni ijarada o‘tkazdi. Mayoral mavsumning birinchi yarmini Italiyaning "Roma" tarkibida o‘tkazdi, shundan so‘ng "Xetafe"ga o‘tdi. Endi u A Seriyaga qaytish imkoniyatiga ega.