Italiya Superkubogi uchun "Milan" va "Inter" o‘rtasidagi o‘yin 2023 yilning yanvar oyida Saudiya Arabistonida bo‘lib o‘tadi.
“Bu bizga meros qolgan shartnoma va bu oxirgi marta bo‘ladi. O‘yin yanvar oyida bo‘lib o‘tadi va o‘yinimiz yana eksport qilinadi", - dedi A Seriya rahbari Luidji de Servo.
Superkubokning amaldagi sohibi joriy qishda “Yuventus”ni 2:1 hisobida mag‘lub etgan “Inter” hisoblanadi.
“Kelajakda biz chempionat va kubokning eng yaxshi ikki jamoasi yarim final va finalda o‘ynaydigan Ispaniya variantini ko‘rib chiqmoqdamiz”, — deya qo‘shimcha qildi A Seriya rahbari.
