Redgol xabariga ko‘ra, SSKA "Fiorentina" yarim himoyachisi Erik Pulgarga qiziqish bildirmoqda.
Manbaga ko‘ra, moskvaliklar tez orada Florensiya klubiga 28 yoshli chililik futbolchini transfer qilish bo‘yicha taklif bilan chiqadi.
Qayd etilishicha, yarim himoyachi "Fiorentina"da doimiy o‘yin amaliyotiga ega bo‘lmagani uchun "qizil-ko‘k" lageriga o‘tishdan manfaatdor.
Pulgarning "Fiorentina" bilan shartnomasi 2023 yilning 30 iyuniga qadar amal qiladi. Transfermarkt portali yarim himoyachining narxini 6,5 million yevroga baholamoqda.