"Liverpul" va Angliya terma jamoasining sobiq hujumchisi Endi Kerroll faoliyatini Belgiyada davom ettirishi mumkin.
Daily Mail xabariga ko‘ra, 33 yoshli hujumchi "Bryugge" klubi bilan muzokara o‘tkazish uchun Belgiyaga uchib ketgan. Agar hammasi joyida bo‘lsa, futbolchi tibbiy ko‘rikdan o‘tadi va jamoa bilan qisqa muddatli shartnoma imzolaydi.
Kerroll 2021/22 yilgi mavsumda "Reding" va "Vest Bromvich" jamoalarida o‘ynashga muvaffaq bo‘ldi, 22 o‘yin o‘tkazdi, 5 gol urdi va 1 golli uzatma berdi.
Agar "Bryugge" bilan shartnoma tuzsa, Kerroll 33 yoshida Chempionlar ligasida debyut qilishi mumkin.
