Turinning “Yuventus” klubi va Ruminiya yoshlar terma jamoasi himoyachisi Radu Dragushin klubini o‘zgartirishi mumkin.
Jurnalist Nikolo Skiraning xabar berishicha, "Parma" futbolchiga faol qiziqish bildirmoqda. Ular Dragushinni ijaraga olishga tayyor.
Massimiliano Allegri kelasi mavsum ruminiyalik futbolchini o‘z rejalariga kiritmagani tufayli "byankonerilar" rahbariyati ushbu kelishuvga rozi bo‘lishi mumkin.
Futbolchi o‘tgan mavsumni "Salernitana"da ijara asosida o‘tkazdi. Radu Transfermarkt tomonidan 3,5 million yevroga baholangan.
