Superliganing 13-turidan o‘rin olgan “Paxtakor” – “Bunyodkor” (2:3) uchrashuvidan so‘ng mehmonlar ustozi Viktor Karpenko o‘z fikrlari bilan o‘rtoqlashdi.

-  Muxlislarni g‘alaba bilan tabriklayman! Chunki “Bunyodkor” ular uchun o‘ynaydi. Yigitlar oxirigacha kurashishdi va xaqli g‘alabaga erishishdi. Ikki xil taym guvohi bo‘ldik. Birinchi bo‘limdan farqli ravishda ikkinchisida ko‘p vaziyatlar yuzaga keltirdik. O‘ylaymanki, o‘yin muxlislarga manzur keldi.

“Paxtakor” bilan o‘yinlarga ortiqcha motivasiya shart emas. Bu jamoa yurtimiz bayroqdori. O‘zbekistonning ko‘p karra chempioni. Yigitlarning o‘zi barchasini his qilib turgandi. Dilshod Jo‘rayev kasal bo‘lib qolgani sababli ro‘yxatdan kiritilmadi.