"Barselona" "Chelsi" himoyachisi Andreas Kristensen va "Milan" yarim himoyachisi Frank Kessie bilan shartnoma imzolaganini e’lon qilishga tayyorlanmoqda, deb yozdi jurnalist Fabrisio Romano tvitterda.
Manbaning xabariga ko‘ra, Kataloniya klubi har ikki futbolchi bilan allaqachon shartnoma imzolagan. Har ikki futbolchi kataloniyaliklar safigga tekinga borib qo‘shiladi, chunki 1 iyuldan ular erkin agentga aylandi.
26 yoshli Kristensen o‘tgan mavsumda "Chelsi" safida barcha turnirlarda 34 ta o‘yinda maydonga tushib, 2 ta gol urdi va bitta golli uzatmani amalga oshirdi. 25 yoshli Kessie “Milan” safida 39 ta o‘yinda maydonga tushib, 7 ta gol va bitta golli uzatmaga mualliflik qilgan.