"Barselona"ning sobiq himoyachisi Dani Alves faoliyatini Braziliyada - "Atletiko Paranaense" yoki "Fluminense"da davom ettirishi mumkin.

39 yoshli braziliyalik so‘nggi olti oyni "Barselona"da o‘tkazdi, ammo mavsum oxirida u erkin agentga aylandi. Alvesh JCH-2022da Braziliya terma jamoasiga chaqirilish uchun doimiy o‘yin amaliyoti olishi kerak.

Himoyachi uchun haqiqiy variantlardan biri - uyga qaytish. Ma’lum qilinishicha, "Atletiko Paranaense" prezidenti faxriy bilan muzokaralarni shaxsan o‘z nazoratiga olgan.

Himoyachini Meksikaning bir qancha yirik klublari ham yaqindan kuzatib borishadi.

Alves o‘tgan mavsumda "Barsa" safida La Ligada 14 ta o‘yinda maydonga tushib, 1 ta gol va 3 ta golli uzatmaga mualliflik qilgan.