Daniyalik hujumchi Martin Breytueyt "Barselona"ni tark etishni istamayapti, deb xabar beradi Diario Sport.
Manbaga ko‘ra, futbolchiga "Valensiya" va "Selta" klublari qiziqish bildirmoqda, biroq u klubini o‘zgartirishdan bosh tortmoqda. Shu bilan birga, Kataloniya klubi bosh murabbiyi Xavi hujumchini o‘z rejalariga kiritmagan. U jamoa bilan AQSHga uchmadi.
31 yoshli Breytueyt o‘tgan mavsumda "Barselona" safida barcha turnirlarda to‘rtta o‘yinda maydonga tushib, ikkita gol urdi va bitta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.