Даниялик ҳужумчи Мартин Брэйтуэйт "Барселона"ни тарк этишни истамаяпти, деб хабар беради Diario Sport.
Манбага кўра, футболчига "Валенсия" ва "Сельта" клублари қизиқиш билдирмоқда, бироқ у клубини ўзгартиришдан бош тортмоқда. Шу билан бирга, Каталония клуби бош мураббийи Хави ҳужумчини ўз режаларига киритмаган. У жамоа билан АҚШга учмади.
31 ёшли Брэйтуэйт ўтган мавсумда "Барселона" сафида барча турнирларда тўртта ўйинда майдонга тушиб, иккита гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.