Ўзбекистон терма жамоаси ва «Манчестер Сити» ҳимоячиси Абдуқодир Ҳусановнинг манфаатларини ҳимоя қилувчи футбол агенти Ғайрат Ҳасбиуллин футболчига қизиқиш билдирган Россия клублари номини айтди.
"Қодирнинг ўзи РПЛни танламади. Мен аниқ биладиган «Сочи»дан ташқари, уни «Алания» ҳам ўз сафига қўшиб олмоқчи эди, ўша пайтдаги спорт директори Тимур Демуров. У Ўзбекистондан кўплаб футболчиларни кашф қилган", - дея агентнинг сўзларини Спорт-Экспресс нашри келтирмоқда.
22 ёшли ҳимоячи ўтган йили «Манчестер Сити» сафига бориб қўшилган эди. Ҳусанов «шаҳарликлар» билан 2029 йилнинг июнь ойи охиригача амал қиладиган узоқ муддатли меҳнат шартномасини имзолаган. Футболчининг бозор қиймати 50 миллион еврони ташкил этади.
