O‘zbekiston terma jamoasi va «Manchester Siti» himoyachisi Abduqodir Husanovning manfaatlarini himoya qiluvchi futbol agenti G‘ayrat Hasbiullin futbolchiga qiziqish bildirgan Rossiya klublari nomini aytdi.
"Qodirning o‘zi RPLni tanlamadi. Men aniq biladigan «Sochi»dan tashqari, uni «Alaniya» ham o‘z safiga qo‘shib olmoqchi edi, o‘sha paytdagi sport direktori Timur Demurov. U O‘zbekistondan ko‘plab futbolchilarni kashf qilgan", - deya agentning so‘zlarini Sport-Ekspress nashri keltirmoqda.
22 yoshli himoyachi o‘tgan yili «Manchester Siti» safiga borib qo‘shilgan edi. Husanov «shaharliklar» bilan 2029 yilning iyun oyi oxirigacha amal qiladigan uzoq muddatli mehnat shartnomasini imzolagan. Futbolchining bozor qiymati 50 million yevroni tashkil etadi.
