"Chelsi" "Leypsig" va Xorvatiya terma jamoasi himoyachisi Yoshko Gvardiolga qiziqish bildirmoqda, deb xabar beradi Sport.es.

Manbaning xabariga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda. "Chelsi" tarkibida xorvatiyalik "Barselona" faol qiziqish bildirayotgan ispaniyalik himoyachi Sezar Aspilikuetani almashtirishi mumkin.

20 yoshli Gvardiol o‘tgan mavsumda "buqalar" safida barcha turnirlar doirasida 45 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.