"Barselona" klubi hujumchi Martin Breytueyt bilan xayrlashmoqchi. Kataloniya klubi 30 yoshli daniyalik bilan shartnomani bekor qilishga tayyor, deb xabar beradi AS.
Agar shunday bo‘ladigan bo‘lsa, futbolchini "Rayo Valekano" o‘z safiga qo‘shib olmoqchi. "Xetafe" ham vaziyatni kuzatib bormoqda.
2021/22 yilgi mavsumda Breytueyt Kataloniya klubi safida La Ligada 4 ta o‘yin o‘tkazib, 2 ta gol urdi va 1 ta golli uzatmani amalga oshirdi. Uning "Barselona" bilan shartnomasi 2024 yilning yoziga qadar mo‘ljallangan.
Transfermarkt portali futbolchining narxini 6 million yevroga baholamoqda.
