"Yuventus" klubi yarim himoyachi Leandro Paredes bo‘yicha "PSJ"ga taklif bilan chiqdi.
Corriere dello Sport xabariga ko‘ra, italyan klubi 28 yoshli argentinalik uchun bonuslarni hisobga olmaganda 15 million yevro taklif qilgan. "Yuventus" futbolchini majburiy sotib olish sharti bilan bir mavsumga ijaraga olmoqchi.
Ayni paytda parijliklar Paredes uchun kamida 20 million yevro olishni istashayotgani xabar qilingan.
Eslatib o‘tamiz, yarim himoyachi 2019 yildan beri "PSJ"da to‘p tepmoqda. U o‘tgan mavsumda barcha turnirlar doirasida 22 ta o‘yinda maydonga tushib, bitta gol va ikkita golli uzatmani amalga oshirgan.