"Real" klubi tarkibni kuchaytirish ustida ish olib bormoqda. Madrid superklubining asosiy transfer maqsadlaridan biri sifatida "Bavariya" sharafini himoya qilayotgan yulduz vinger Maykl Olise qolmoqda.
"Florentino Peres Olisening "Real"ga transferidan voz kechgani yo‘q" — Ispaniyaning Sport nashri sahifalarida mana shunday sarlavhali maqola chop etildi.
Maqolada qayd etilishicha, "Real" bu borada "nohalol" yo‘l tutmoqchi emas. Madridliklar "Bavariya" klubini hurmat qilishadi va Oliseni faqat rasmiy muzokaralar orqali qo‘lga kiritishga harakat qilishadi.
"Florentino Peres fransiyalik futbolchiga e’tibor qaratgan, bu tanlovda unga Olisening terma jamoadagi sherigi Kilian Mbappe tavsiya bergan va bosh murabbiy Joze Mourinyo ham buni ma’qullagan. Ushbu kelishuvni amalga oshirish juda qiyin, ammo imkonsiz emas, ayniqsa Vinisius Junior shartnomasini uzaytirmaslikka qaror qilib, 2027 yilda jamoani tark etadigan bo‘lsa", — deyiladi materialda.
Eslatib o‘tamiz, bundan avvalroq "Bavariya" rahbariyati Maykl Oliseni hatto juda katta mablag‘ evaziga ham sotib yubormasligini ma’lum qilgan edi.
