"Реал" клуби таркибни кучайтириш устида иш олиб бормоқда. Мадрид суперклубининг асосий трансфер мақсадларидан бири сифатида "Бавария" шарафини ҳимоя қилаётган юлдуз вингер Майкл Олисе қолмоқда.
"Флорентино Перес Олисенинг "Реал"га трансферидан воз кечгани йўқ" — Испаниянинг Sport нашри саҳифаларида мана шундай сарлавҳали мақола чоп этилди.
Мақолада қайд этилишича, "Реал" бу борада "ноҳалол" йўл тутмоқчи эмас. Мадридликлар "Бавария" клубини ҳурмат қилишади ва Олисени фақат расмий музокаралар орқали қўлга киритишга ҳаракат қилишади.
"Флорентино Перес франциялик футболчига эътибор қаратган, бу танловда унга Олисенинг терма жамоадаги шериги Килиан Мбаппе тавсия берган ва бош мураббий Жозе Моуриньо ҳам буни маъқуллаган. Ушбу келишувни амалга ошириш жуда қийин, аммо имконсиз эмас, айниқса Винисиус Жуниор шартномасини узайтирмасликка қарор қилиб, 2027 йилда жамоани тарк этадиган бўлса", — дейилади материалда.
Эслатиб ўтамиз, бундан аввалроқ "Бавария" раҳбарияти Майкл Олисени ҳатто жуда катта маблағ эвазига ҳам сотиб юбормаслигини маълум қилган эди.
